రొమ్ము కాన్సర్ – breast cancer breast cancer symptoms in telugu అనేది మహిళలలో వచ్చే ఒక రకమయిన క్యాన్సర్ దీని బారినపడి చాలామంది మహిళలు బాధపడుతున్నారు , దీని యొక్క నివారణ ఎలా మరి దీని లక్షణాలు ఇప్పుడు వివరంగా తెలుసుకుందాం
రొమ్ము క్యాన్సర్ యొక్క లక్షణాలు మరియు రాకుండా ఉండాలంటే ఏంచేయాలి :
మహిళలను పట్టి పీడిస్తున్న వ్యాధులలో రొమ్ము క్యాన్సర్ ఒకటి , భారత దేశంలో ప్రతి 4 నిమిషాలకు ఒకరు రొమ్ము క్యాన్సర్ బారినపడుతున్నారు అలాగే ప్రతి 13 ని // మి// ల కు ఒకరు దీనివల్ల మరణిస్తున్నారు ..మరి దీని లక్షణాలు మరియు నివారణ ఎలా అన్నది ఇప్పుడు వివరంగా తెలుసుకుందాం ..
రొమ్ము క్యాన్సర్ యొక్క లక్షణాలు (breast cancer symptoms in telugu) :
- రొమ్ములలో వాపు ఒకే చోట లేదా మొత్తంగా వ్యాపించి ఉండటం
- రొమ్ము సొట్ట పడినట్టు ఉండటం, రొమ్ము ఆరంజ్ కలర్ లో కనపడటం
- రొమ్ములో లేదా చనుమొనల దగ్గర నొప్పి గా ఉండటం
- చనుమొనలు లోపలికి లాగినట్లు అనిపించడం
- రొమ్ముల చుట్టూ ఉండే చర్మం ఎర్రగా పొడిబారినట్టు ఉండి పొలుసులు లాగ రాలిపోవడం
- చనుమొనల నుండి ద్రవం కారడం ,ఈ ద్రవం ఒకే రొమ్ము నుండి కారుతూ ఆ రొమ్ములో గడ్డ ఉంటె అది రొమ్ము క్యాన్సర్ అయ్యే ప్రమాదం వుంది, చాల సార్లు ఎలాంటి ఇతర ఆరోగ్య సమస్యలు లేకున్నా కూడా ఇలా కారే అవకాశం వుంది ..అప్పుడు మీ కుటుంబ వైద్యుని సలహా తీసుకోండి .
- రొమ్ముకు సంబందించిన శోషరస గ్రంధులలో వాపు ( కొన్ని సార్లు ఈ గ్రంధుల వాపు మన క్రింది చేయి మరియు మెడ చుట్టూ వాపు కానీ గడ్డ లాగ ఉండటం )
రొమ్ము క్యాన్సర్ స్థితి (breast cancer stages):
రొమ్ము క్యాన్సర్ 2 స్థితులలో (స్టేజి) ఉంటుంది ,ఒకటి హానికర Invasive మరియు రెండవది హానికరం కానటువంటి Noninvasive
హానికర స్థితి invasive stage : కణజాలం లో , ఇతరభాగాలలో మరియు గ్రంధులలో వ్యాప్తి చెందినటువంటిది
హానికరం కానటువంటి స్థితి noninvasive satge : వాహికల గుండా వ్యాప్తి చెందకుంటే
రొమ్ము క్యాన్సర్ యొక్క దశలు ( 0 నుండి 4 ) :
0 దశ ( 0 stage ) :
వైద్యులు దీన్ని హానికరం కానటువంటిదిగా పరిగణిస్తారు అయినా కూడా చికిత్స అవసరం అవుతుంది .
1 వ దశ ( 1st stage ) :
హానికరంగా భావిస్తారు ఈ దశలో కణతులు 2 సెంటి మీటర్స్ ఇంకా కొన్ని సార్లు దాని కంటే చిన్నగా ఉండే అవకాశం వుంది.
2 వ దశ :
ఈ దశలో కణతులు మొదటి దశ కంటే పెద్దవిగా ఉంటాయి మరియు ఇది కూడా హానికరం ..
ఈ దశలో క్యాన్సర్ శోషరస గ్రంధుల వరకు వ్యాపిస్తుంది .
3 వ దశ :
ఈ దశ కూడా హానికరమే ఈ దశలో క్యాన్సర్ ఇతర శరీర భాగాలకు వ్యాపించదు.
4 వ దశ :
ఈ దశలో రొమ్ము క్యాన్సర్ ఇతర శరీర భాగాలకు వ్యాపిస్తుంది ,ఎముకలకు , ఊపిరితిత్తులకు ,మెదడుకు , లివర్ కు వ్యాపించే ప్రమాదం వుంది .
ఈ దశలో చికిత్స అనేది క్యాన్సర్ ఇంకా వ్యాపించకుండా చూస్తూ తగ్గే తట్టుగా చేస్తారు .
వ్యక్తిగత కారణాలు :
కొన్ని కారణాలు క్యాన్సర్ పెరగడం మరియు వ్యాప్తిచెందటాన్ని ప్రభావితం చేస్తాయి
- వయస్సు
- హార్మోన్ల యొక్క ప్రభావం , రుతువిరతి ( menopause )
- కుటుంబ లో ఎవరికయినా ఉంటె (కుటుంబ చరిత్ర క్యాన్సర్ కు సంబంధించి)
- కాలుష్యం , ధూమపానం & ఆల్కహాల్
- 35 సంవత్సరాల వయస్సులో మొదటి సంతానం కలగడం వల్ల
- పిల్లలు కలగపోవడం వల్ల
- శరీరం యొక్క ఎత్తు 5.8 ” ఇంకా ఎక్కువ ఉన్న వాళ్లలో
రొమ్ము క్యాన్సర్ నివారణ ఎలా :
శరీర బరువును అదుపులో ఉంచుకోవాలి : అధికబరువు ఎన్నో రకాల క్యాన్సర్ లకు దారి తీస్తుంది ,ముఖ్యంగా రుతువిరతి ( menopause ) తరువాత బరువు పెరగకుండా చూసుకోవాలి .
వ్యాయామం లేదా శారీరికంగా చురుకుగా ఉండటం :
ఎన్నో పరిశోధనల ప్రకారం ఎవరయితే ప్రతి రోజు కనీసం 30 నిముషాలు వ్యాయామం చేస్తారో వారికి క్యాన్సర్ లు వచ్చే అవకాశం తక్కువగా ఉంటుంది.
మన పనులు మనం చేసుకోవడం , రోజులో 100000 అడుగులు నడవడం అయినా చేయాలి.
పండ్లు మరియు ఆకుకూరలు / కూరగాయలు :
పోషకాహారం తీసుకోవడం వల్ల క్యాన్సర్ వచ్చే అవకాశం తగ్గిపోతుంది ,
రుతువులలో లభించే అన్ని పండ్లు మరియు ఆకుకూరలు / కూరగాయలు లను తగినంతగా తినాలి
మీ ఆహారంలో విటమిన్ సి , విటమిన్ డి , యాంటీఆక్సిడాంట్స్ , మరియు అన్ని రకాల పోషకపదార్తాలు ఉన్న అహారాన్ని ఎంచుకోవడం వల్ల క్యాన్సర్ ను అరికట్ట వచ్చు .
పొగాకు :
ధూమపానం లేదా పొగాకు నమలడం వల్ల క్యాన్సర్ వచ్చే అవకాశం ఎక్కువ అవుతుంది, క్యాన్సర్ రావడానికి పొగాకు అనేది ఒక ముఖ్యమయిన కారణం.
తల్లి పాలు పట్టడం :
తల్లి తన పిల్లకి కనీసం ఓ ఏడాది వరకయినా రొమ్ము పాలు పట్టడం వల్ల రొమ్ము క్యాన్సర్ వచ్చే అవకాశం తగ్గుతుంది .తల్లి పాలు తాగడం వల్ల బిడ్డ ఆరోగ్యంగా ఉండగలుతాడు మరియు వారు రోగ నిరోధకశక్తి ని కలిగి ఉంటారు
సంతాన నిరోధక మాత్రలు :
35 సం.. వయస్సు దాటిన మహిళలు సంతాన నిరోధక మాత్రలను తరచుగా వాడటం వల్ల కూడా రొమ్ము క్యాన్సర్ కు తొందరగా గురి అయ్యే అవకాశాలు ఉన్నాయి.
రొమ్ము క్యాన్సర్ కు సంబందించిన పరీక్షలు :
ఈ క్రింది పరీక్షల వల్ల రొమ్ము క్యాన్సర్ గుర్తించబడుతుంది
.png)
- బ్రెస్ట్ ఆల్ట్రాసౌండ్
- ఏం అర్ ఐ ( MRI )
- బయాప్సీ ( జీవధాతు పరీక్ష)
- CT స్కాన్ మరియు పెట్ ( PET ) స్కాన్
ఈ పరీక్షల వల్ల రొమ్ము క్యాన్సర్ ను దాని దశలను మరియు వ్యాప్తి ని గుర్తించవచ్చు .ఇప్పుడు ఉన్న ఆధునిక చికిత్స పద్ధతుల ద్వారా రొమ్ము క్యాన్సర్ ను దాదాపుగా నయం చేయగలుగుతున్నాం …
చాల మట్టుకు రొమ్ము క్యాన్సర్ కు గురికాకుండా చూసుకోవడం మన చేతుల్లోనే ఉంది ..
ఆరోగ్యాన్ని కాపుడుకోండి మీ జీవితాన్ని హాయిగా గడపండి
Note : ఈ ఆర్టికల్ మీద మీ యొక్క అమూల్యమయిన అభిప్రాయాన్ని రాయండి
