కేరళ లో ఉన్న ఈ ఆలయాలను తప్పక దర్శించుకోండి

ప్రచురణ తేదీ: 06-06-2025

రచయిత: E.Pavan Kumar Sharma

 

” దేవుని స్వంత దేశం ” మరియు ” సుగంధ ద్రవ్యాల తోట ”  అని తరచుగా పిలువబడే కేరళ రాష్ట్రం ఎన్నో ఆధ్యాత్మికమయిన విభిన్న మత మరియు సాంస్కృతిక వారసత్వాన్ని ప్రతిబింబించే దేవాలయాల తో అలరారుతుంది.

కేరళ ల లో ప్రకృతి తో పాటు ఈ దేవాలయాలను కూడా చూడటానికి మీ ప్రయాణాన్ని ఏర్పాటుచేసుకోండి .

ఈ ఆధ్యాత్మిక వ్యాసం భారతీయ ప్రయాణికులకు మరియు విదేశీ ప్రయాణికులకు ఉపయోగకరంగా ఉంటుంది.

కేరళ లో 15 తప్పక సందర్శించవలసిన దేవాలయాలు

1. అంబలపుజ శ్రీ కృష్ణ ఆలయం, అంబలపుజ

అంబలపుజ లో ఉన్న ఈ ఆలయం శ్రీకృష్ణుడికి అంకితం చేయబడింది, దీనిలో అతని పిల్ల తనం లో ఉండే రూపంలో ఉన్న విగ్రహం ఉంటుంది .

అంబలపుజ శ్రీ కృష్ణ ఆలయాన్ని సందర్శించడానికి అనువైన సమయం జూలై లో జరిగే వార్షిక పండుగ, దీనిని అంబలపుజ ఆలయ ఉత్సవం అని పిలుస్తారు మరియు మార్చి నుండి ఏప్రిల్ మధ్య జరిగే ఆరాట్టు పండుగ సమయంలోచాలామంది దర్శిస్తారు.

రైల్వే స్టేషన్ (అంబలపుజ): ఆలయం నుండి స్టేషన్ వరకు 14 కి.మీ (సుమారుగా)

2. అనంతపుర సరస్సు ఆలయం, కాసరగోడ్

9వ శతాబ్దానికి చెందిన ఈ పవిత్ర స్థలం పద్మనాభ స్వామి యొక్క అసలు స్థానంగా నమ్ముతారు.

దశావతారాల గురించి స్పష్టమైన దృశ్యాలను వివరిస్తూ అద్భుతంగా చెక్కబడిన చెక్క పైకప్పులు ఈ ఆలయం యొక్క విశేషమైన లక్షణం.

బాబియా అనే మొసలి ఉండటం ఆలయ మర్మానికి మరింత ఆకర్షణీయంగా ఉంది, ఇది ఒకప్పుడు సరస్సు యొక్క దైవిక సంరక్షకురాలిగా నమ్మబడింది మరియు భక్తులు హానిచేయని మరియు శాఖాహారిగా భావిస్తారు. ఈ మొసలి ఇప్పుడు చనిపోయింది.

🚂 రైల్వే స్టేషన్ (కాసరగోడ్): ఆలయం నుండి స్టేషన్ వరకు 13.5 కి.మీ (సుమారుగా)

3. అట్టుకల్ భగవతి ఆలయం, తిరువనంతపురం

పద్మనాభస్వామి ఆలయం సమీపంలో, అట్టుకల్ భగవతి ఆలయం పార్వతి దేవికి అంకితం చేయబడిన మరొక ప్రార్థనా స్థలం.

✅ ఈమెని కణ్ణగి అని కూడా పిలుస్తారు.
✅ దీని యొక్క చరిత్ర ” శిలప్ప దిగారం “ అనే తమిళ ఇతిహాసం తో ముడిపడి ఉంది

ఇది మతపరమైన కార్యకలాపాల కోసం గరిష్టంగా మహిళా భక్తులను ఆకర్షిస్తుంది కాబట్టి ప్రతిష్టాత్మక గిన్నిస్ బుక్ ఆఫ్ వరల్డ్ రికార్డ్స్‌లో స్థానం సంపాదించింది.
ఈ ఆలయాన్ని మహిళల శబరిమల అని కూడా పిలుస్తారు
ఇది ఇప్పుడు ఒక గొప్ప తీర్థ యాత్ర కేంద్రంగా ఉంది

🚂 రైల్వే స్టేషన్ (తిరువనంతపురం): ఆలయం నుండి స్టేషన్ వరకు 3.4 కి.మీ (సుమారుగా)

4. చొట్టనిక్కర దేవి ఆలయం, ఎర్నాకుళం

చొట్టనిక్కర దేవి ఆలయం ఎర్నాకుళంలో ఉంది. ఇది భగవతి దేవికి అంకితం చేయబడిన శక్తివంతమైన ఆలయంగా పరిగణించబడుతుంది,
✅ ఇది ముఖ్యంగా భూత వైద్యానికి మరియు మానసిక వ్యాధుల నివారణకు ప్రసిద్ధి .
✅ ఈ ప్రస్తుతం ఉన్న ఆలయాన్ని 10 శతాబ్దం లో నిర్మింపబడినదిగా విశ్వసిస్తారు.
✅ పురాణాల ప్రకారం భోగాచార్య అనే మహర్షిచే నిర్మింపబడినదిగా చెప్తారు

భగవతి దేవి ని ఉదయం సరస్వతిగా, మధ్యాహ్నం లక్ష్మిగా మరియు సాయంత్రం దుర్గ గా పూజిస్తారు.

✅ మరియు మహా విష్ణువు యొక్క విగ్రహం అదే పీఠం మీద ఉండటం వల్ల , అమ్మ నారాయణి అని , భద్రే నారాయణి అని పిలుస్తారు .

✅ కేజక్కవు దేవత ఈ ఆలయ ప్రాంగణం లో ఉపదేవతగా కొలువై ఉంది , ఈ దేవతను అమ్మవారి ఉగ్రరూపంగా భావిస్తారు .

✅ ఇక్కడ సాయంత్రం జరిగే ” వళియ గురుతి ” పూజ చాల ప్రసిద్ధి

✅ ఇది మానసిక రుగ్మతలు మరియు ఆధ్యాత్మిక బాధలను నయం చేయడానికి ప్రత్యేకంగా ప్రసిద్ధి చెందింది.

🚂 రైల్వే స్టేషన్ (త్రిపునిత్తుర): ఆలయం నుండి స్టేషన్ వరకు 4 కి.మీ (సుమారుగా)

5. ఎత్తుమనూర్ మహాదేవ ఆలయం, కొట్టాయం

కేరళలోని కొట్టాయం జిల్లాలో ఉన్న ఎత్తుమనూర్ మహాదేవ ఆలయం రాష్ట్రంలోని 108 పవిత్రమైన శివాలయాలలో ఒకటి.

మహాదేవునితో పాటు , అయ్యప్ప , భగవతి , దక్షిణామూర్తి మరియు శ్రీ కృష్ణు డి యొక్క ఆలయాలు ఉన్నాయి ఈ ప్రాంగణం లో.

ఈ ఆలయం అద్భుతమైన కుడ్యచిత్ర కళాకృతులకు ప్రసిద్ధి చెందింది, ముఖ్యంగా గోపురం (ఆలయ గోపురం) పై నటరాజ (విశ్వ నర్తకి) యొక్క ఐకానిక్ చిత్రణ భక్తులు మరియు కళా ప్రియులకు ప్రధాన ఆకర్షణ.
ప్రస్తుత ఆలయ భవనం మరియు గోపురం క్రీస్తు శకం : 1542 లో పునర్నిర్మించబడ్డాయి .

ఆదిశంకరాచార్యులు ఈ ఆలయం లో బస చేసినప్పుడే అమ్మ వారి యొక్క అద్భుత రచన అయిన ” సౌందర్య లహరిని ” రచించారు

🚂 రైల్వే స్టేషన్ (ఎట్టుమనూర్): ఆలయం నుండి స్టేషన్ 2 కి.మీ (సుమారుగా)

6. మన్నారసాల శ్రీ నాగరాజ ఆలయం

సర్ప దేవతలకు అంకితం చేయబడిన అంతర్జాతీయంగా గుర్తింపు పొందిన తీర్థయాత్ర కేంద్రం. హరిపాడులో ఉన్న ఇది, ఇతర శంకర దేవాలయాల మాదిరిగానే మొత్తం ప్రాంతం చుట్టూ పచ్చని అడవులను కలిగి ఉంది. భక్తుల నుండి నైవేద్యంగా పాముల చిత్రాలను కలిగి ఉంది.
పురాణాల ప్రకారం మందరసాల నుండి మన్నరసాల గా మారింది , మందార చెట్లతో నిర్మించబడిన ప్రదేశం అని అర్థం.

ఇక్కడ ఉన్న నాగరాజు దేవత , బ్రహ్మ , విష్ణు మరియు మహేశ్వరుని యొక్క ప్రతిరూపం
ఈ క్షేత్రానికి అనంతుడు (విష్ణు) మరియు వాసుకి (శివ )ఇద్దరి ప్రాధాన్యం వహిస్తారు .
ఈ ఆలయం ప్రపంచం లో నే విశిష్టమయిన సర్ప ఆలయం గా ప్రసిద్ధి చెందింది , ఇక్క 1,00,000 విగ్రహాలు ఉన్నాయి

🚂 రైల్వే స్టేషన్ (హరిపాడు రైల్వే స్టేషన్): ఆలయం నుండి స్టేషన్ 3 కి.మీ (సుమారుగా)

7. పద్మనాభస్వామి ఆలయం, తిరువనంతపురం

పద్మనాభస్వామి కేరళలో అత్యంత ప్రసిద్ధ ఆలయం, విష్ణువుకు అంకితం చేయబడింది. ద్రావిడ శైలిలో నిర్మించబడిన ఇది దాని వైభవం, రహస్యం మరియు నిధితో నిండిన భూగర్భ ఖజానాలకు ప్రసిద్ధి చెందింది.

✅ ఈ ఆలయం కేరళ రాజధాని తిరువనంతపురం లో ఉంది.
✅ ఇది ప్రపంచం లో అత్యంత ధనిక దేవాలయాల లో ఒకటి
✅ ఈ ఆలయానికి 1000 ఏళ్ళ చరిత్ర ఉంది .
✅ శ్రీ మహా విష్ణువు యొక్క 108 దివ్య ఆలయాలలో ఇది ఒకటి.

ట్రావెన్కోర్ రాజ కుంటుంబానికి చెందిన రాజా మార్తాండ వర్మ గొప్ప విష్ణు భక్తుడు , ఆయన తన కలం లో ఎన్నోవిలువయిన సంపదలు ఈ ఆలయానికి బహూకరించాడు.
ఈ ఆలయం లోని ఎన్నో నేలమాళిగలలో విలువయిన సంపద ఉందని నమ్మకం , వీటిని నాగబంధంవేసి మూసి వేశారు..వీటిని తెరవడం భక్తుల నమ్మకానికి సంబందించినది అందుకే కొన్ని తెరవడం లేదు.

100 అడుగుల ఆలయ గోపురం మరియు ప్రధాన దేవత 18 అడుగుల ఆది శేషువుని మీద అనంతశయన భంగిమలో ఉంటుంది.

✅ ఈ ఆలయం ఏటా 2 పండుగలను ఎంతో ఉత్సాహంగా జరుపుకుంటుంది. అల్పశి పండుగ అక్టోబర్/నవంబర్ నెలల్లో, పంగుని పండుగ మార్చి/ఏప్రిల్ నెలల్లో జరుగుతుంది.

అనంత పద్మనాభ స్వామి ఆలయం, కేరళ

🚂 రైల్వే స్టేషన్ (తిరువనంతపురం): ఆలయం నుండి స్టేషన్ వరకు 1 కి.మీ (సుమారుగా)

8. శబరిమల ఆలయం, పతనంతిట్ట

దక్షిణ భారతదేశం లో ఉన్న ఈ ప్రసిద్ధ ఆలయం పశ్చిమ కనుమల దట్టమైన అడవితో చుట్టుముట్టబడి, పెరియార్ టైగర్ రిజర్వ్ సమీపంలోని పతనంతిట్ట జిల్లాలో ఉంది.

ఈ ఆలయం 800 సంవత్సరాల పురాతనమయినది గా చెపుతారు , రామాయణ కాలం లో శబరీ అనే రామ భక్తురాలు శ్రీ రాముడికి ఎంగిలి పండ్లను సమర్పించిన ప్రదేశం ఇదేనని చెపుతారు .
ఆమె పేరు మీద ఈ ప్రాంతానికి ” శబరిమల “ అనే పేరు వచ్చింది .

శబరిమల ఆలయం పూజనీయమైన అయ్యప్ప స్వామికి అంకితం చేయబడిన, ప్రతి సంవత్సరం, లక్షలాది మంది సందర్శకులు శబరిమల ఆలయానికి ఆశీర్వాదం కోసం వస్తారు. అంతేకాకుండా, ఈ తీర్థయాత్రను ప్రధానంగా పురుష భక్తులు చేపడతారు.

✅ 40 రోజుల కఠినమయిన దీక్ష అనంతరం అయ్యప్ప స్వామి ని దర్శించుకోవడానికి ఈ ఆలయానికి వస్తారు .

✅ ఈ ఆలయం లో పంచలోహాలతో ఉన్న అయ్యప్ప విగ్రహం ఉంటుంది
మండల పూజ మరియు మకర విళక్కు చాల ప్రసిద్దమయిన ఉత్సవాలు .

🚂 రైల్వే స్టేషన్ (చెంగన్నూర్): ఆలయం నుండి స్టేషన్ వరకు 90 కి.మీ (సుమారుగా)

9. శివగిరి ఆలయం, వర్కల

శివగిరి ఆలయం ప్రముఖ సామాజిక సంస్కర్త శ్రీ నారాయణ గురు సమాధి స్థలం (1856 – 1928 ).

ఈ యాత్రా స్థలం ఒక ప్రసిద్ధ గమ్యస్థానం, ఆధ్యాత్మిక మార్గదర్శకత్వం, ఆరాధన మరియు ధ్యానం కోసం అవకాశాలను అందిస్తుంది.
✅ శ్రీ నారాయణ గురు చే స్థాపించబడిన ఆశ్రమం.
✅ ఇక్కడ శారదా మాత (సరస్వతి) ఆలయం ఉంది.

🚂 రైల్వే స్టేషన్ (వర్కల శివగిరి): ఆలయం నుండి స్టేషన్ వరకు 2 కి.మీ (సుమారుగా)

10. తాలి ఆలయం, కోజికోడ్

కోజికోడ్‌లోని తాలి ఆలయం శివుడికి అంకితం చేయబడింది.
✅ ఈ ఆలయం కేరళ లో ఉన్న ప్రసిద్ధ శివ ఆలయాలలో ఒకటి

✅ ఈ ఆలయం యొక్క ప్రస్తుత నిర్మాణం 14 వ శతాబ్దం లేదా అంతకు పూర్వం ది అని చరిత్రకారులు భావిస్తున్నారు .

ప్రతి సంవత్సరం ఇక్కడ ” రేవతి పట్టతానం “ అనే సాంసృతిక పండిత సభ నిర్వహించబడుతుంది .
18 వ శతాబ్దం లో టిప్పు సుల్తాన్ దండయాత్ర లలో ఈ ఆలయం ధ్వంసం కాబడ్డది .తిరిగి జ్యూమెరియన్ రాజులు పునర్నిర్మించారు .

11. తిరునెల్లి ఆలయం, వయనాడ్

బ్రహ్మగిరి కొండలలో ఉన్న ఈ పురాతన విష్ణువు ఆలయాన్ని తరచుగా “దక్షిణ కాశీ” అని పిలుస్తారు. ఎందుకంటె ఇక్కడ చేసే పితృతర్పణ క్రియలకు కాశి లో చేసిన ఫలితం లభిస్తుంది .
తిరునెల్లి అంటే ఉసిరి చెట్టు , స్వయంగా బ్రహ్మదేవుడు ఇక్కడ శ్రీ మహా విష్ణువును ప్రతిష్టించాడని చెపుతారు .

✅ ఆలయ సమీపం లో పాపనాశిని నది ప్రవహిస్తుంది ..ఇక్కడ పితృ కర్మలు చేస్తే పితృదేవతలు తరిస్తారని ప్రతీతి.

ఈ ఆలయాన్ని చేర రాజు కులశేఖరన్ స్థాపించాడని నమ్ముతారు. తిరునెల్లి ముఖ్యంగా పూర్వీకుల ఆచారాలను నిర్వహించడానికి పవిత్ర స్థలంగా ప్రసిద్ధి చెందింది.

For Your Feedback WhatsApp: +91 9398601060

————————————————————————————————————————————————